टोल सरसफाइ तथा जनचेतना अभिवृद्धि अभियानको १५३ औं शृङ्खला

काठमाडौं । गोकर्णेश्वर नगरपालिका वडा नं.५ जोरपाटीमा तराना महिला विकास समिति,तराना कला केन्द्रको सक्रियतामा शुभ विहानी महिला समूहको सहकार्यमा"वातावरण स्वच्छ राख्ने हाम्रो अभियान,सुन्दर सफा हरित नगर हाम्रो पहिचान"भन्ने मुल नाराकासाथ शनिबार टोल सरसफाइ तथा जनचेतना अभिवृद्धि अभियानले १५३ औं शृङ्खला जोरपाटीमा सम्पन्न भएको छ ।                                                

अभियानकी संयोजक एवं अभियन्ता वसन्ती लामाको संयोजकत्वमा संचालित अभियानमा तराना महिला विकास समिति,तराना कला केन्द्र,शुभ बिहानी महिला समूहकी अध्यक्ष गंगा खतिवडा,समूहका सदस्यहरु,अभियानका अभियन्ताहरु,विभिन्न टोलका महानुभावहरुको उपस्थितिमा जनचेतनामूलक सरसफाइ गरिएको थियो ।