राष्ट्रिय युवा संघ नेपाल काभ्रेपलाञ्चोकको ११औं जिल्ला अधिवेशनबाट काभ्रेमा सी बी लामाको नेतृत्व

धुलिखेल, काभ्रेपलाञ्चोक । राष्ट्रिय युवा संघ नेपाल काभ्रेपलाञ्चोकको एघारौं जिल्ला अधिवेशन सम्पन्न भई नयाँ नेतृत्व चयन भएको छ । अधिवेशनबाट सी बी लामा अध्यक्षमा निर्वाचित भएका छन् । 

नव निर्वाचित पदाधिकारीहरूमा उपाध्यक्ष आर बी बुढाथोकी, सचिव अमन धिताल, सह–सचिवहरू राजेन्द्र लामा र सगुन थापा, कोषाध्यक्ष शिव ढुंगेल तथा संगठन विभाग प्रमुख किरण तामाङ रहेका छन् । 

निर्वाचित पदाधिकारी र सदस्यहरूले संगठनलाई सुदृढ बनाउन र युवाहरूको हकहितमा सक्रिय भूमिका निर्वाह गर्ने प्रतिबद्धता व्यक्त गरेका छन् । 

अधिवेशनको उद्घाटन नेकपा एमाले जिल्ला कमिटी अध्यक्ष राजन भुर्तेलले गरेका थिए । राष्ट्रिय युवा संघ नेपाल काभ्रेपलाञ्चोकका निवर्तमान अध्यक्ष ईश्वरवल्लभ सापकोटाको अध्यक्षतामा सम्पन्न भएको कार्यक्रममा एमाले निकट नेता कार्यकर्ताहरूको उपस्थिति रहेको थियो ‌।