कुरा होइन काम गरेर देखाउँछु" – बनेपा र धुलिखेलको खानेपानी समस्या सुल्झाउन किसान विष्णु कुमार श्रेष्ठको उम्मेदवारी

नमोबुद्ध-९ काभ्रेका स्थायी बासिन्दा विष्णु कुमार श्रेष्ठले आसन्न निर्वाचनका लागि आफ्नो उम्मेदवारी घोषणा गर्नुभएको छ। कक्षा ८ सम्मको अध्ययन पूरा गरी लामो समयदेखि कृषि पेशामा आबद्ध श्रेष्ठले यस पटक 'प्रेसर कुकर' चुनाव चिन्ह लिएर चुनावी मैदानमा उत्रिने निर्णय गर्नुभएको हो।

बनेपा र धुलिखेल क्षेत्रमा वर्षौंदेखि कायम रहेको खानेपानीको हाहाकारलाई अन्त्य गर्नु नै आफ्नो मुख्य लक्ष्य रहेको उहाँले बताउनुभयो। "अहिलेसम्म धेरैले आश्वासन मात्र दिए, तर जनताले पानी पाएनन्। म किसानको छोरो हुँ, मलाई थाहा छ दुःख के हो," श्रेष्ठले भन्नुभयो। उहाँले खानेपानीसँगै युवाहरूलाई स्वदेशमै स्वरोजगार बनाउने ठोस योजना अघि सार्नुभएको छ।