झापाको दमक ५ स्थित ग्रिन वे एजुकेशनल एकेडेमीको १४औँ वार्षिकोत्सव
झापाको दमक ५ स्थित ग्रिन वे एजुकेशनल एकेडेमीको १४औँ वार्षिकोत्सव कार्यक्रम भव्यताका साथ सम्पन्न भएको छ। विद्यालयका अध्यक्ष कुमार तामाङको सभाध्यक्षतामा सम्पन्न कार्यक्रममा दमक नगर शिक्षा समितिका अध्यक्ष कुबेर भट्टराई प्रमुख अतिथि रहेका थिए।
त्यसैगरी विद्यालयका निर्देशक नविन राई र विद्यालय समिति सदस्य डिक तामाङ विशेष अतिथिका रुपमा सहभागी भएका थिए।
यस्तै अतिथिहरुमा दमक वडा नम्बर ५ का सदस्य खड्गबहादुर राई, स्वास्थ्य प्रमुख धर्मेन्द्र रिमाल, बेथेल एकेडेमीकी प्रिन्सिपल एनि राई, विद्यालयका प्रिन्सिपल पावल सुन्दास लगायत शिक्षक, विद्यार्थी र अभिभावकहरुको उल्लेख्य सहभागिता रहेको थियो।
कार्यक्रमको उद्घाटन प्रमुख अतिथि भट्टराईले पानसमा बत्ती बालेर गरेका थिए। कार्यक्रममा विद्यार्थीहरुले नृत्य, गायन, कविता वाचन तथा नाटक प्रस्तुत गर्दै कार्यक्रमलाई आकर्षक बनाएका थिए। साथै विद्यालयले विभिन्न विधामा उत्कृष्ट विद्यार्थीहरुलाई पुरस्कार वितरण गरेको थियो।
सोही अवसरमा एसइई दिन लागेका विद्यार्थीहरुलाई विदाई गर्दै उज्ज्वल भविष्यको शुभकामना पनि व्यक्त गरिएको थियो।
कार्यक्रममा बोल्दै प्रमुख अतिथि भट्टराईले विद्यालयले प्रकृतिसँग शिक्षालाई जोड्दै नमुना विद्यालय बन्ने प्रयास गरेको भन्दै यसको प्रशंसा गरे।
कार्यक्रमको सञ्चालन विद्यालयकी शिक्षिका प्रमिला गुरुङ र सुस्मिता विकले गरेका थिए भने समापन सभाअध्यक्ष कुमार तामाङले गरेका थिए।
Facebook Comments
पत्रकार प्रोफाइल
नमनखबर डेस्क
"नमनखबरका लेखक एक समर्पित पत्रकारिता टोली हुन्, जो सत्य, विश्वसनीयता, र निष्पक्षताको मान्यताका साथ राष्ट्रिय र अन्तर्राष्ट्रिय समाचारहरू साझा गर्न प्रतिबद्ध छन्।"
टिप्पणीहरू (0)
अहिलेसम्म कुनै कमेन्ट छैन।