स्प्लिटमा दिवंगत गोलेको परिवारलाई एन आर एन ए र तामाङ समाज क्रोएसियाको सहयोग

काठमाडौं । एन आर एन ए र क्रोएसियाले काभ्रेपलाञ्चोक जिल्ला महाभारत गाउँपाालिका वडा नं. १ गोकुले घर भई क्रोएसियाको स्प्लिटमा असामयिक निधन भएका पदम गोलेको शवलाई डिसेम्बर ६ मा नेपाल पठाउन लागेको छ । परिवार र परिवारका सदस्यको राय, सल्लाह र इच्छा बमोजिम शव नेपाल ल्याउन लागिएको हो । 

गोलेको शव व्यवस्थान गर्नका लागि आर्थिक सहयोग संकलनको कार्य भइरहेको छ । हालसम्म शव व्यवस्थापन र परिवारलाई राहत प्रदान गर्नका लागि क्रोएसिया स्थित सामाजिक संघसंस्था, क्रोसियामा रहेका नेपालीहरूले सहयोग रकम उपलव्ध गराइरहेका छन् ।  

यसैबिच एनआरएनए क्रोएसिया अध्यक्ष साइमन लामालाई तामाङ समाज क्रोएसियाका संरक्षक एवं सल्लाहकार दावा लामाको उपस्थितिमा तामाङ समाज क्रोसियाका अध्यक्ष एवं प्रतिनिधिहरूले   संकलित २०७५ युरो हस्तान्तरण गरेको तामाङ समाज क्रोसियाले जनाएको छ । 

मृतक पदम बहादुर गोलेको नाममा हिमगिर रिक्वायरमेन्ट सर्भिसले २ सय युरो, सञ्जय तामाङले १०५ युरो, सगरमाथा होस्टल सञ्चालक सबिन काफ्लेले १०१ युरो, गगन तामाङ ६१ युरो, दावा लामा ५५ युरो, काठमाडौं मार्ट ५१ युरो, बुद्ध मार्ट ५१ युरो, शान्ति योञ्जन ५० युरो, देवी कुमारी खड्का ५० युरो लगायत ६३ व्यक्ति तथा संघ संस्थाले गरि जम्मा २०७५ सहयोग रकम उपलब्ध गराएका थिए ।

सहयोग रकम उपलब्ध गराउनेहरूको नामावली 

पीडामा रहेको गोले परिवारलाई थोरै भएपनि राहत दिने उद्धेश्यले रकम उपलब्ध गराइएको तामाङ समाज क्रोएसियाले जनाएको छ । क्रोएसियामा रहेर विभिन्न क्षेत्रमा आवद्ध व्यक्तिहरूले स्वेच्छाले राहत रकम उपलब्ध गराएका छन् ।