मनकामना साकोसको ३०औं स्थापना दिवसको अवसरमा विविध कार्यक्रम

बनेपा । बनेपा नगरपालिका वडा नम्बर ५ स्थित घोकेचौरमा मुख्य कार्यालय रहेको मनकामना बचत तथा ऋण सहकारी संस्था लि.ले ३० औं स्थापना दिवस विविध कार्यक्रम गरि मनाएको छ । 

स्थापनाको अबसरमा साकोस र नेपाल रेडक्रस सोसाईटी चण्डेश्वरी उपशाखाको आयोजनामा तथा नेपाल रेडक्रस सोसाईटी काभ्रेपलाञ्चोक जिल्ला शाखाको प्राविधिक सहयोगमा खुल्ला रक्तदान कार्यक्रम गरेको छ । 

 साकोसको ३० औ स्थापना दिवसको अबसरमा खुल्ला रक्तदानको आयोजना गरिएको हो । उक्त रक्तदानमा ४१ जनाले रक्तदान गरेका प्रमुख कार्यकारी अधिकृत राजकुमार दाहालले जानकारी दिनुभयो । 

सहकारीले सामाजिक कार्यलाई समेत निरन्तरता दिदै आएको सिइओ दाहालको भनाई रहेको छ ।

 रक्तदान कार्यक्रममा मनकामना साकोसका सल्लाहकार बालकृष्ण दाहाल, उपाध्यक्ष विदुर घिमिरे, सञ्चालक सदस्य मुक्ति तिमल्सिना, सहकारीका कर्मचारी लगायतको उपस्थिति रहेको थियो ।