बालकुमारी,भ्याङलेका १०९ जना विद्यार्थीलाई स्टेशनरी सामग्री वितरण

नुवाकोट । दुप्चेश्वर गाउँपालिका वडा नं.५ बालकुमारी,भ्याङलेस्थित श्री कल्याण माद्यमिक विद्यालयमा अध्ययनरत तामाङ,दलित,ब्राह्मण,क्षेत्री समुदायका १०९ जना विद्यार्थीहरुलाई लोकेश्वर मिडिया सर्भिस,पुतलीसडक,काठमाडौंको आयोजनामा विद्यार्थीहरुलाई दैनिक विद्यालय आउने वातावरण बनाउन र गत असोज १२ गते शनिबार गएको बाढीपहिरोबाट त्रसित विद्यार्थीहरुको मनोबल बढाउन,नेपाल तामाङ समाज जापानका केन्द्रीय उपाध्यक्ष तेजबहादुर थिङ र तामाङ समाज युएईका उपाध्यक्ष वेत्त घिसिङ तामाङको व्यक्तिगत आर्थिक सहयोगमा वडाध्यक्ष मइतबहादुर तामाङको प्रमुख आतिथ्यमा"स्टेशनरी सामग्री वितरण"समारोह भव्यताकासाथ सम्पन्न भएको छ ।

विद्यालयकी शिक्षक पुजा ग्लान तामाङकानुसार विद्यालय व्यवस्थापन समितिका अध्यक्ष जितेन्द्र तामाङको सभाध्यक्षतामा आयोजित सो कार्यक्रममा प्रमुख अतिथी एवं वडाध्यक्ष मइतबहादुर तामाङले विद्यार्थीहरुलाई कपि,डटपेन,पेन्सिल,इरेजर,कटर,स्केल लगायतका शैक्षिक सामग्री वितरण गरिएको जनाएकी छिन् ।

कार्यक्रममा विद्यालय व्यवस्थापन समितिका पदाधिकारी,शिक्षक अभिभावक संघका पदधिकारी,प्र.अ.अमृतमान श्रेष्ठ,अभिभावक,शिक्षक,कर्मचारी र विद्यार्थीहरुको सहभागिता रहेको थियो ।