शान्ति जन आदर्श केन्द्रको साधारणसभा सम्पन्न संस्थामा शंख बुद्धकै नेतृत्व

काभ्रे । काभ्रे जिल्लाकै अग्रणी सामाजिक संस्था शान्ति जन आदर्श केन्द्रको साधारण सभा सम्पन्न भएको छ । बाग्मती प्रदेश निति तथा योजना आयोगका अध्यक्ष गंगादत्त नेपालको प्रमुख आतिथ्यतामा सभा सम्पन भएको हो । 

कार्यक्रमलाई संबोधन गर्दै प्रमुख अतिथि नेपालले संस्थाले सामाजिक क्षेत्रमा राम्रो काम गरेकोले संस्थालाई दातृ निकायले सहकार्य गर्न पर्नेमा जोड दिनुभयो । शान्ति जनआदर्श सेवा केन्द्र सबैभन्दा राम्रो काम गर्ने अग्रणी संस्था रहेको बताउनुभयो । प्रकोपले धेरै क्षति भएको काभ्रेपलाञ्चोक जिल्ला बाग्मती सरकारको योजनाको प्राथमिकतामा पर्ने बताउनुभयो । 

कार्यक्रमका बिशेष अतिथि तथा जिल्ला समन्वय समिति उपप्रमुख रिम बहादुर तामाङले खानेपानी, शिक्षा, स्वास्थ्यको क्षेत्रमा उल्लेखनीय काम गरेको र विशेष गरि खानेपानीको क्षेत्रमा काम गरेकोमा संस्थाको कार्यप्रति खुसी व्यक्त गर्नुभयो ।  

कार्यक्रममा नमोबुद्ध नगरपालिकाका मेयर कुनसाङ लामाले संस्थाले सामाजिक क्षेत्रमा काम गरेकोमा खुसी व्यक्त गर्दै संस्थाको उत्तरउत्तर प्रगतिको कामना गर्नुभयो । 

कार्यक्रममा रोशी गाउँपालिका निवर्तमान अध्यक्ष डि वी लामा आफु पालिका अध्यक्ष हुदा राम्रो सहकार्यमा काम गरेको बताउनुभयो । पालिकाले ४० प्रतिशत र संस्थाले ६० प्रतिशत जिम्मेवारीमा काम गरेको लामाले स्मरण गर्नुभयो । 

केयर नेपाल प्रतिनिधि सुविन बुढाथोकीले संस्था सामाजिक रुपमा अब्बल रहेको र संस्थासंग सहकार्य गर्न पाएकोमा खुसी रहेको बताउनुभयो । 

कार्यक्रममा नेपाल चेम्बर अफ कमर्स केन्द्रिय सदस्य विदुर बर्तौला, काभ्रे गैरसरकारी महासंघ अध्यक्ष गंगा लामाले 

संस्थाले कोविड भुकम्प जस्ता महमारीमा खेलेको भूमिका र कठिनाईका विषयमा चर्चा गर्नुभएको थियो । 

संस्थाका अध्यक्ष शंख बुद्ध लामाले संस्थालाई सहयोग गर्ने सबै संस्थालाई धन्यवाद व्यक्त गर्नुभयो । 

राजेन्द्र अधिकारीले सञ्चालन गर्नुभएको कार्यक्रममा संस्थाका उपाध्यक्ष इश्वरी आोझाले स्वागत मन्तव्य राख्नुभएको थियो ।

संस्थाले आर्थिक बर्ष ८०/८१ को लागि २२ करोड अनुमानित बजेट पास गरेको संस्थाले

जनाएको छ ।