वाग्मती सफाइ महाअभियानको ५९६ औं शृङ्खला सम्पन्न

काठमाडौं । राष्ट्रको लागि हप्ताको दुई घण्टा स्वयम् सेवा भन्ने मुल नाराकासाथ प्रत्येक साताको शनिबार निरन्तर संचालन हुँदैं आएको वाग्मती सफाइ महाअभियानले शनिबार राजधानीमा ५९६ औं शृङ्खला पूरा गरेको छ ।

महाअभियानका अभियन्ता किशोरसिंह शाहीकानुसार सो महाअभियान दशैको टीका लगाई तिलगंगा आँखा अस्पताल, वाग्मती नदि किनार एवं सडकमा रहेका नकुहिने फोहरहरुलाई साङ्केतिक रूपमा सरसफाइ गरि व्यवस्थापन गरिएको र महाअभियानमा वाग्मती सफाइ महाअभियानका अभियन्ताहरुको सहभागिता रहेको बताएका छन् ।