13.3ºc
२०८१-१२-२२
हङकङ । शान्तिका अग्रदूत भगवान गौतम बुद्धको २५६८ औं बुद्ध जयन्ती, शाक्यमुनी बुद्धको महापरिनिर्वाण दिवसको पावन अवसरमा हङकङ उर्गेन दोर्जे क्षोलिङ बुद्धिष्ट सेन्टरको आयोजनामा सन् २०२४ मे १९ तारिख आइतबारका दिन, युन्लोङ टाउन हलमा बुद्ध जयन्ती समारोह भव्यताकासाथ सम्पन्न भएको छ ।
हङकङ उर्गेन दोर्जे क्षोलिङ बुद्धिष्ट सेन्टरकी अध्यक्ष कमला गुरुङको सभाध्यक्षतामा,गुम्बाका धर्मगुरु एवं खेन्पो ङवाङ थेगक्षोग रिन्पोक्षेको प्रमुख आतिथ्यमा,याउची मोङ्ग जिल्ला परिषद सदस्य अरुणा गुरुङ,युन्लोङ जिल्ला परिषद सदस्य Mr. Riben Li, Yuen Long Town Hall Project Manager Mr.Ngan Man Lung (Johny), Buggic Chu, शेर्पा किदुङ हङकङ अध्यक्ष पेम्बा शेर्पा, तमू समाज हङकङ पूर्वअध्यक्ष कोमल गुरुङ (स्याङजाली कान्छा), तमू समाज हङकङ अध्यक्ष नरेन्द्र गुरुङ,भारतीय भू.पू.गोर्खा सैनिक संघका अध्यक्ष काल्जीत गुरुङ, गैर आवासीय नेपाली संघ(NRNA) अन्तर्राष्ट्रिय समन्वय परिषद(ICC) महिला सचिव टीका गुरुङ, वरिष्ठ समाजसेवी कुलमान गुरुङ, मगर संघ हङकङ अध्यक्ष यमबहादुर बुढाथोकीमगर, हङकङ तामाङ घेदुङ पूर्वअध्यक्ष राज तामाङ, पर्वत मञ्च हङकङ अध्यक्ष दुर्गा गुरुङ(मिलन) को विशेष आतिथ्य,विभिन्न संघसंस्थाका प्रतिनिधिहरुको आतिथ्यता र बौंद्धमार्गीहरुको सहभागिता रहेको थियो ।
खेन्पो दावा नुर्बु, कार्यसमितिका सदस्यहरु शोभा गुरुङ र राममाया गुरुङले समारोहमा पाल्नु भएका प्रमुख अतिथि, विशेष अतिथि र अतिथिहरुलाई पुष्प गुच्छा र अष्ट मंगलयुक्त खादाबाट स्वागत, सत्कार गर्नु भएको थियो ।
हङकङ उर्गेन दोर्जे क्षोलिङ बुद्धिष्ट सेन्टरद्धारा आयोजित समारोहमा सेन्टरकी सह-सचिव प्रमिला गुरूङले सञ्चलन गरेको कार्यक्रममा सचिव माधवी गुरुङले स्वागत मन्तव्य गरेकी थिइन । सो समारोहमा प्रमुख अतिथि,गुम्बाका धर्म गुरु एवं खेन्पो ङवाङ थेग्क्षोग रिन्पोक्षेले बुद्धको १२ लिला सम्बन्धि प्रवचन र आशिष प्रदान गर्नु भएको, कार्यक्रममा हङकङ उर्गेन दोर्जे क्षोलिङ बुद्धिष्ट सेन्टरमा आस्थाका साथ ३५ हजार समविष्ट गरी संरक्षक सदस्य बन्नु भएको स्थानिय बासिन्द मक मेई नोर विन्डि र समाज सेवी कोमल गुरूङ ज्यूलाई संरक्षक सदस्यको प्रमाण पत्र दिई सम्मान गर्नुका साथै ५ हजर रकम समर्पित गरी आजीवन सदस्य बन्ने ७८ जना भक्तजनहरूलाई पनि प्रमाणपत्र आजीवन सदस्यताको प्रमाण पत्र वितरण गरि सम्मान गर्नु भएको थियो ।
समारोहमा प्रमुख अतिथि,गुम्बाका धर्मगुरु,बौंद्ध धर्मगुरु एवं खेन्पो ङवाङ थेगक्षोग रिन्पोक्षेले समारोह सम्पन्न गर्न, गराउन भोजन दान हिरा गुरुङ/परिवार, चिया/नास्ता शेर्पा किदुग हङकङ, पेयपदार्थ गंगादेवी गुरुङ, फोटोग्राफरतर्फ सौंजन्य राधा गुरुङ,पुष्प गुच्छा Sherab Lhamo/ Buggie Chu लाई सम्मान समेत गरिएको थियो । हङकङ उर्गेन दोर्जे क्षोलिङ बुद्धिष्ट सेन्टरको साधारण, आजीवन सदस्य र संरक्षक बन्न सेन्टरले अनुरोध गरेको छ ।
"नमनखबरका लेखक एक समर्पित पत्रकारिता टोली हुन्, जो सत्य, विश्वसनीयता, र निष्पक्षताको मान्यताका साथ राष्ट्रिय र अन्तर्राष्ट्रिय समाचारहरू साझा गर्न प्रतिबद्ध छन्।"
0 Comments