मेदामसुका ४४ जना विद्यार्थीलाई शैक्षिक सामग्री वितरण सम्पन्न

no-image

नेपालमुहार संवाददाता - २०८१-०७-२६

काभ्रे । बेथानचोक गाउँपालिका वडा नं.६ महाङकालचौंर, भुग्देउ, मेदामसुस्थित श्री सीता प्राथमिक विद्यालयमा अध्ययनरत ४४ जना विद्यार्थीहरूलाई शैक्षिक सामाग्री वितरण गरिएको छ ।

तामाङ,ब्राह्मण,क्षेत्री,मगर,दलित विश्वकर्मा समुदायका विद्यार्थीहरुलाई दैनिक विद्यालय आउने वातावरण बनाउन र गत असोज १२ गते शनिबार गएको बाढीपहिरोबाट त्रसित विद्यार्थीहरुको मनोबल बढाउन सोमबार लोकेश्वर मिडिया सर्भिस,पुतलीसडक,काठमाडौंको संयोजनमा नेपाल निर्माण व्यवसायी महासंघ संखुवासभाका आमन्त्रित केन्द्रीय सदस्य मिगुर शेर्पाको आर्थिक सहयोगमा वडा सदस्य रीताकुमारी थापा बस्नेतको प्रमुख आतिथ्यमा शैक्षिक सामग्री वितरण समारोह भव्यताकासाथ सम्पन्न भएको छ ।

विद्यालय व्यवस्थापन समितिका सदस्य रामबहादुर लामाको सभाध्यक्षतामा आयोजित समारोहमा प्रमुख अतिथि एवं वडा सदस्य बस्नेतले विद्यार्थीहरुलाई कपि, पेन्सिल, इरेजर, स्केल, कटर लगायतका सामग्री वितरण गर्नु भएको थियो ।

विद्यालयका शिक्षक अनिलकुमार लामाले कार्यक्रम संचालन गर्नु भएको कार्यक्रममा विद्यालयका प्र.अ.किशन वाईबा तामाङ,श्री धनलक्ष्मीदेवी प्राथमिक विद्यालयकी प्र.अ.रोजिना वाईबा तामाङ, शिक्षक, कर्मचारी, विद्यार्थी, अभिभावकहरुको सहभागिता रहेको जनाएका छन् ।


0 Comments