रोशी उद्योग वाणिज्य संघको साधारणसभा सम्पन्न

रोशी । रोशी उद्योग वाणिज्य संघको साधारणसभा सम्पन्न भएको छ ।

कार्यक्रमलाई सम्बोधन गर्दै प्रमुख अतिथि एवं रोशी गाउँपालिका अध्यक्ष दिनेश लामाले विभिन्न संस्थाहरुसँग समन्वय गरेर काम गरेकोमा खुसी व्यक्त गर्दै सरकार निजी क्षेत्र र नागरिक समाज मिलेर देश विकास गर्नुपर्नेमा जोड दिनुभयो । साथै गाउँपालिका संघसँग सहकार्य गरेर कार्य गर्ने समेत बताउनुभयो । 

अतिथि एवं समाजसेवी शान्ति जन आदर्श सेवा केन्द्र सेवा केन्द्रका अध्यक्ष शंख बुद्ध लामाले उद्योग जुनसुकै पेशाले गर्न सकिने विचार व्यक्त गर्दै उद्योग बढेमा उत्पादन र सरकारलाई कर समेत बढ्ने बताउदै आफुले नेतृत्व गर्ने संस्थाले उद्योग वाणिज्य संघसँग मिलेर काम गर्ने समेत बताउनुभयो । 

इलाका प्रहरी मंगलटार प्रहरी प्रमुख कृष्ण गिरीले- व्यवसायीहरुलाई उद्योग दर्ता हुदा हुने फाइदाका बारेमा बुझाउनुपर्ने बताउदै खाद्याबस्तुहरुमा म्याद सकिएको बिषयमा सचेतना जगाउने कार्यक्रमहरु समेत गर्नुपर्ने बताउनुपर्ने अहिले सामाजिक संजालमा ठगी कार्य बढ्दै गएकोले सबै सचेत हुन समेत अग्रह गर्नुभयो । 

रोशी गाउँ पालिका वडा नम्बर ६ का वडा अध्यक्ष नारायण बाबू सिवाकोटीले विपत्तिमा संघले गरेको काम राम्रो गरेको धन्यवाद व्यक्त गर्नुभयो 

नमोबुद्ध उद्योग वाणिज्य संघका अध्यक्ष बसुनारायण श्रेष्ठले राज्यले संघलाई धनीहरुको संस्था भनेर हेर्ने दृष्टिकोण रहेको बताउदै दु:ख व्यक्त गर्नुभयो । 

उद्योग वाणिज्य कार्यलय प्रमुख सिताराम घिमिरेले आगमी कार्ययोजनाको योजना बनाउनुपर्ने कुरामा जोड दिदै हालसम्म भएको उल्लेखनीय कामको लागि धन्यवाद दिनुभयो रोशीमा भएको विपत्तिमा मिलेर जानुपर्ने कुरामा जोड दिनुभयो 

युवा व्यवसायी दुधराज लामाले संघले फलफूल र जडीबुटीमा पनि लाग्नुपर्ने बताउदै व्यवसायले केही समयमै धेरै मुनाफा कमाउन सफल हुने समेत बताउनुभयो ।