प्रशासन काभ्रेमा नागरिकका समस्या, गुनासा एवं सुझाव टोलफ्रीबाटै !

धुलिखेल । जिल्ला प्रशासन कार्यालय काभ्रेमा नागरिकका समस्या, गुनासा एवं सुझाव  टोलफ्रीबाटै लिइने भएको छ । नि:शुल्क प्रवाह हुने सेवा बिहान ८ बजेदेखि सांझ ६ बजेसम्म प्रवाह गरिने जिल्ला प्रशासन कार्यालयले जानकारी दिएको छ । 

जिल्ला प्रशासन कार्यालय काभ्रेपलाञ्चोकले टोल फ्री नम्बर १८१०५०००३७७ सञ्चालनमा ल्याएको छ । कार्यालयको सेवा प्रवाहलाई प्रभावकारी बनाउने उदेश्यले सेवा सञ्चालनमा ल्याइएको प्रमुख जिल्ला अधिकारी रुद्रादेवी शर्माले जानकारी दिनुभयो ।

प्रजिअ शर्माका अनुसार टोल फ्री सेवा सञ्चालनमा आएसँगै जिल्ला प्रशासन कार्यालय र यससँग जोडिएका समस्या, गुनासा एवं सुझाव टेलिफोनबाट सम्बोधन हुनेछ । टेलिफोनबाट समाधान हुने समस्याको टेलिफोनबाट र अन्य समस्याको समाधानको लागि सुझाव, जानकारी दिने लगायतका प्रक्रियागत प्रयास गरिने बताइएको छ ।

सेवा नेपालका सेवा प्रदायक नमस्ते, एनसेल वा जुनसुकै सिम प्रयोग गर्ने सेवाग्राहीले नि:शुल्क लिन सक्नेछन् ।

टोलि फ्री नम्बर : १८१०५०००३७७