चन्दनपुरका ६८ जना विद्यार्थीलाई कपडा वितरण

ललितपुर, महांकाल । महाङकाल गा.पा.वडा नं.५ चन्दनपुरस्थित श्री कालेश्वरी आधारभूत विद्यालयमा अध्ययनरत ६८ जना विद्यार्थीहरुलाई लोकेश्वर मिडिया सर्भिस, पुतलीसडक, काठमाडौंको संयोजनमा बौंद्ध, काठमाडौं निवासी समाजसेवी सुर्यबज्र लामा र साउदी अरबमा कार्यरत समाजसेवी धावा लामा घिसिङको सहयोगमा,आज सोमबार शान्तिका अग्रदूत भगवान गौतम बुद्धको २५६८ औं बुद्ध जयन्तीको पुर्वसन्ध्याको अवसरमा, विद्यार्थीहरुलाई दैनिक विद्यालय आउने वातावरण बनाउन कपडा वितरण गरेको छ ।

विद्यालय व्यवस्थापन समितिका अध्यक्ष उत्तम घिमिरेको सभाध्यक्षतामा महांकाल गाउँपालिका वडा नं. ५ का वडाध्यक्ष भूमिनन्द घिमिरेको प्रमुख आतिथ्यमा विद्यालयमा अध्ययनरत विद्यार्थीहरुलाई कपडा वितरण गरिएको हो । समारोहमा, विद्यालय व्यवस्थापन समितिका पदाधिकारीहरु, अभिभावक, शिक्षक, कर्मचारी, विद्यार्थीहरु र विद्यालयका प्रधानाध्यापक तिर्थलाल गोले तामाङको उपस्थिति रहेको थियो

।