​तामाङ चलचित्र संघको १८ औं स्थापना दिवस भव्य रूपमा मनाइँदै, चलचित्र 'उर्गेन' को गीत पनि सार्वजनिक हुने

काठमाडौँ । तामाङ चलचित्र संघको १८ औं स्थापना दिवसको अवसरमा विशेष कार्यक्रम आयोजना हुने भएको छ । "ह्याङला फिल्म ह्याङला व्हाई, सक्से ज्याबा ह्याङला ग्योई" भन्ने नाराका साथ तामाङ चलचित्र संघ (Tamang Films Association) को आयोजनामा यो कार्यक्रम हुन लागेको हो ।​आगामी २०८३ असार २० गते शनिबारका दिन चाबहिलस्थित चलचित्र विकास बोर्डको हलमा आयोजना हुने उक्त समारोहमा तामाङ चलचित्र 'उर्गेन' को गीत समेत सार्वजनिक गरिने जनाइएको छ ।​स्थापना दिवसको अवसरमा विशेष सांस्कृतिक कार्यक्रमका साथै 'सेमरी छोरङन पदक सम्मान कार्यक्रम' समेत राखिएको छ । चलचित्र विकास बोर्डको सहकार्य तथा सक्सेस फिल्मस् प्रा. लि. को ब्यानरमा हुन लागिरहेको यस कार्यक्रमलाई बालुवाखानी बर्गर हाउस एण्ड क्रन्ची फ्राइड चिकनले प्रायोजन गरेको छ ।​त्यस्तै कार्यक्रमलाई गोकर्णेश्वर नगरपालिका (काठमाडौँ), जुगल गाउँपालिका, इन्द्रवती गाउँपालिका र सुनकोसी गाउँपालिका (सिन्धुपाल्चोक) ले सहयोग गरेका छन् भने बागमती प्रदेश र कोशी प्रदेशमा तामाङ चलचित्र संघले यसको प्रचारप्रसार गरिरहेको छ ।