कुर्दिस्तान एर्बिलमा दशै धमाका तथा सांस्कृतिक कार्यक्रम सम्पन्न

इराक । प्रवासी नेपाली एकता समाज कुर्दिस्तानको आयोजनामा शुक्रबार होलि नवरोज हल एर्बिलमा दशै धमाका तथा सांस्कृतिक कार्यक्रम भव्यताकासाथ सम्पन्न भएको छ ।

प्रवासी नेपाली एकता समाज कुर्दिस्तानका अध्यक्ष सलामसिंह तामाङको सभाध्यक्षतामा गौरीशंकर सिन्धुपाल्चोक कुर्दिस्तान समाजका अध्यक्ष मेघराज लामाको प्रमुख आतिथ्यमा,नेपाल मगर संघ शाखा कुर्दिस्तान अध्यक्ष विकास रानामगर,नेपाल तामाङ घेदुङ कुर्दिस्तान इराक प्रमुख सल्लाहकार श्याम मम्बा तामाङ,महासचिव सरिश डिम्डुङ तामाङ,नेपाली महिला समाज कुर्दिस्तान सुलेमानी संस्थापक अध्यक्ष सानू शेर्पा,VIP Tamang Unity(KDNS)एर्बिल संयोजक सोम तामाङ,नेपाली महिला समाज सुलेमानी अध्यक्ष शोभा भुजेल,महासचिव माया स्याङतान तामाङ,तमू(गुरुङ) समाज कुर्दिस्तान उपाध्यक्ष सन्तोष गुरुङ,नेपाली इसाइ समाज एर्बिल अध्यक्ष अभिषेक राईको विशेष तथा अतिथिको आतिथ्यता रहेको थियो ।

नेपालबाट आमन्त्रित अतिथि वरिष्ठ गायक विजय लामाले दर्जनौं गीत गाएका थिए भने स्थानीय कलाकारहरुले आ-आफ्नो सांगीतिक प्रस्तुतिहरु राखेका थिए ।

प्रवासी नेपाली एकता समाज कुर्दिस्तानले आयोजना गरेको सो कार्यक्रममा विभिन्न संघसंस्थाका प्रतिनिधि,व्यवसायी,पत्रकार,बुद्धिजीवी,समाजसेवी,कलाकार,नेपाली दाजुभाइ तथा दिदिबहिनीहरुको बाक्लो उपस्थिति रहेको थियो ।