चौथो रोशी कप तथा इण्डो-नेपाल कराँते प्रतियोगिता हुने

रोशी । रोशी गाउँपालिकामा यही फागुन ९ र १० गते चौथो रोशी कप तथा प्रथम इण्डो-नेपाल फुल कन्ट्याक्ट कराँते प्रतियोगिता-२०८१ आयोजना हुने भएको छ।

आयोजकका अनुसार प्रतियोगिता रोशी गाउँपालिका-७ कटुञ्जेवेंशी स्थित रोशी माध्यमिक विद्यालयमा सम्पन्न हुनेछ । नेपाल खेलकुद तथा सामाजिक विकास केन्द्र, रोशी गाउँपालिका-५ को आयोजनामा हुने यो प्रतियोगिता विश्व स्वतन्त्र क्योकुशिन संगठन नेपालको संयोजनमा रोशी गाउँपालिकाको सहयोगमा सम्पन्न हुन लागेको हो ।

कार्यक्रमका प्रमुख अतिथि बागमती प्रदेश सभा सदस्य एवं पूर्व मन्त्री तिर्थ लामा रहनेछन् ।

कार्यक्रममा विशेष अतिथिको रुपमा जिल्ला समन्वय समिति उपप्रमुख रिम बहादुर तामाङ, रोशी गाउँपालिका अध्यक्ष दिनेश लामा, उपाध्यक्ष मिम बहादुर वाइबा (ज्वाला), जिल्ला खेलकुद विकास समिति अध्यक्ष मानविर लामा सहभागि हुनेछन् ।

त्यसैगरी, समापन समारोहमा पूर्व मन्त्री महागुरु जगत प्रसाद गौचन प्रमुख अतिथिका रूपमा उपस्थिति रहने आयोजकले जनाएको छ ।