सिटिजन लाइफ इन्स्योरेन्सद्वारा विद्यार्थीलाई पोशाक

बनेपा। सिटिजन लाइफ इन्स्योरेन्स कम्पनीले  काभ्रेपलाञ्चोक जिल्ला रोशी गाउँपालिकामा दुई विद्यालयका ४ सय ४७ विद्यार्थीलाई पोशाक वितरण गरेको छ । रोशीको श्री मंगल जन विजय मा. वि. का ४ सय जना  र श्री शान्ति बुद्ध आधारभुत विद्यालयमा ४७ जनालाई सामाजिक उत्तरदायित्व अन्तर्गत  जाडोमा विद्यालय ट्रयाकसुट वितरण गरेको हो । एक औपचारिक कार्यक्रमको आयोजना गर्दै कम्पनीले अध्ययनरत विद्यार्थीलाई पोशाक हस्तान्तरण गरेको हो ।

 कार्यक्रममा बोल्नु हुदै प्रमुख अतिथि तथा सिटिजन लाइफ इन्स्योरेन्स कम्पनी लिमिटेडका  प्रमुख नायव कार्यकारी अधिकृत दिप बहादुर बि सीले सिटिजन लाइफ इन्स्योरेन्सले गत अस‍ोजको वर्षाले काभ्रेमा क्षति भएको र सिटिजन लाइफ इन्स्योरेन्स कम्पनीले विद्यार्थीलाई न्यानो कपडा वितरण गरेको वताउनुभयो ।  यसले विद्यार्थीको नियमित अध्ययनमा सहज हुने विश्वास व्यक्त बिसीले गर्नुभयो ।  विशेष अतिथि प्रमुख बजार व्यवस्थापक भूषण रिमालले  असहज परिस्थितिमा भोलिका कर्णधार विद्यार्थीलाई सहयोग गर्न पाउदा खुसी लागेको बताउनुभयो । उहाँले विद्यार्थीहरुको उज्ज्वल भविष्यको समेत कामना गर्नुभयो । 

समाजसेवी शिक्षासेवी शंख बुद्ध लामाले- आफु संस्थापक भएको विद्यालयमा सहयोग गरेकोमा संस्थालाई धन्यवाद गर्दै बिमा बुढेसकालमा सहारा हुने भएकोले बिमा गर्नुपर्ने कुरामा कुरामा जोड दिनुभयो । 

अतिथि प्रमुख व्यवसाय अधिकृत सुनिल पोखरेलले स- साना विद्यार्थीको मुहारमा खुसी देख्दा हर्षित भएको बताउनुभयो । बीमा सबैको लागि आवश्यक भएको बताउनुभयो । उहाँले बिमाले मानिसलाई हुने आर्थिक नोक्सानीलाई न्युनिकरण समेत गर्न सकिने बताउनुभयो ।

कार्यक्रममा अतिथि एजेन्सी मेनेजर अशोक बुद्ध लामाले बिमाले भविष्यमा हुनसक्ने जोखिम कम गर्ने र त्यसको लागि थप बुझ्न र बिमा गर्नुपरेमा आफूलाई सम्झन आग्रह गर्नुभयो । 

विद्यालय व्यवस्थापन समिति अध्यक्ष ज्ञान बहादुर लामाले बीमाले बिमा मात्रै नभइ समाजिक काम पनि गर्दो रहेछ भन्ने जनामानसमा सन्देश गएको बताउनुभयो । अध्यक्ष लामाले सिटिजन लाइफ इन्स्योरेन्स कम्पनीलाई धन्यवाद समेत ज्ञापन गर्नुभएको थियो ।